Зүйрлэж хэлбэл бидний сансарын хөлөг болсон эх дэлхийн тэнцвэртэй олон зүйлүүд алдагдаж, байгалийн нөөц шавхагдаж байна. Үүнийг дэлхий ертөнцийн төгсгөл, сүйрэл гэж зарим нь дүгнэж байхад зарим нь байгаль дэлхийгээ аврах, шинэ гарц эрэлхийлж байна. Нийгмийн болон Шинжлэх ухаан, Техник технологийн хөгжил дэвшил нь хүмүүсийг нэг хэв загварт оруулж бараг бүх зүйл дээр “загварчлал” гэдэг томъёолол ноёрхох болжээ. Шинжлэх ухааны судалгаанд математик загварчлал, нийгэм – эдийн засгийн хөгжлийн загварчлал, техник технологийн стандартууд, хууль – ёс зүйн кодекс гэх мэтээр хүний амьдрал бүгд тоон хэлээр загварчлалд оржээ. Өөрөөр хэлбэл орчин үеийн техник технологийн эрин нь хөгжлийн өнөөгийн шатанд “хүний эрхтний үргэлжлэл байхаа хэдийнээ больж хүн нь Техникийг хийж Технологийг бүтээх бус техник өөрөө өөрийгөө хүнээр хийлгэж” орчин үеийн соёл иргэншлийн шинэ загварчлалуудыг бүтээжээ. Ингэснээр хүний бодгаль, бие даасан чанар зарим тохиолдолд бүрэн техникжиж хүмүүс бие биенээсээ хамаарсан олон төрлийн COMMUNITY хэлбэрийн загваруудад хуваагдаж байна. Яагаад гэвэл хувь хүн бие дааж өөрт тулгарсан асуудлуудыг даван туулах чадвар улам бүр хомсдож эрсдэлд өөрийгөө өртүүлэх нь амархан болжээ. Тухайлбал, эрдэмтдийн хийсэн судалгаагаар хүн өдөрт 16 цагийн турш дунджаар 50.000 бодлууд бодож 1200 орчим том жижиг шийдвэр гаргадаг байна.

Дэлхийг бүрхсэн 4 дэх мандал буюу НООСФЕР-ын тухай онолыг үндэслэгч эрдэмтэн В. И. Вернадский болон түүнийг дэмжигчид хүн төрөлхтний хөгжлийн хандлагыг тэдний эзэмшсэн техник буюу хөдөлмөрийн багаж зэвсэг, материаллаг баялагаар нь бус байгаль дэлхийгээс хэрхэн энерги авч бусдад өгч байгаагаар нь тодорхойлдог. Дэлхийг бүхэлд нь бүрхсэн гэрлийн мандал бол НООСФЕР юм. Хүн төрөлхтөн гоо сайхан, ёс зүй, урлаг уран сайхны хамгийн сайхан, гайхамшигтай бүтээлүүдээ энэ мандлаас авч, хамтран бүтээж байжээ. Европын Ренесанс, материалист уран зохиолууд, сонгодог урдаг, дорно дахины ёс зүй, шашны сургааль, соёл иргэншлүүдийн хөгжлийн оргил үеийг НООСФЕР-тай холбож тайлбарлаж болно. Орчин үеийн техник технологи хөгжихийн хирээр хүн төрөлхтний оюун ухаан доройтож оюун ухааны бүтээл гэхээсээ илүү техник технологийн бүтээлүүд бий болж зарим тохиолдолд хүний оюун ухаан нь техникийн бүтээлүүдийн хавсрага болж байна. Өөрөөр хэлбэл хүн техникийг хийх бус техник өөрөө өөрийгөө хүнээр хийлгэж төгс төгөлдөр болж хөгжинө гэсэн Философийн үзэл биелэлээ олж хүн төрөлхтөн бодлоготой алхам хийхгүй бол өөрсдийгөө мөхөөх тэцвэргүй байдлыг газар бүрт бий болгожээ. Цацраг идэвхжлийн хэмжээ, агаар хөрсний бохирдол, цөлжилт, дэлхийн дулаарал бидний хяналтаас нэгэнт гарчээ. Хөгжлийн энэ зүй тогтлын төгсгөл нь байгаль дэлхийн тэнцвэр алдагдал, эсвэл нэгэн үнэт зүйлийн төгсгөл\магадгүй 2012 он\ болох нь тодорхой болжээ. Оршин тогтнох чадвар, нөөц боломж өдрөөс өдөрт алдаж байгаа манай гаригийн энэ цаг үеийн захиалгаар оюуны асар өндөр чадавхтай шинэ соёл иргэншлийг бүтээлцэх Индиго хүмүүс төрөх тухай таамаглалыг олон судлаачид дэвшүүлж байна.

Индиго хүүхдүүд гэж хэн бэ? Манай гаригийг мөхлийн аюулаас индиго нар л аврах болно гэсэн яриа сүүлийн үед их таржээ.  Энэ нэр томьёог америкийн судлаач Нэнси Энн Тэпп, сурган хүмүүжүүлэгч Ли Кэрролл тус тусдаа өөрсдийн судалгаандаа тулгуурлан анх 1982 онд гаргаж иржээ. Индигочууд бол гэрлийн бүрхүүлээрээ ялгагдана. Тэднээс жирийн хүүхдийнхтэй адил ногоон шар туяа гэрэлтдэггүй нил цэцгийн өнгөтэй төстэй ягаавтар болон хөх туяа индиго нараас туяардаг байна. Индиго нарын энергийн аура хэмжээ, өнгө гэрэлтүүлэх илч нь ч сонин. Тэднийг бид хир багаас нь танин мэдэж чадна тэр хэмжээгээр Индигочуудыг илүү сайн ашиглаж чадна. Индигочуудад олон сайн чанар байна. Индиго нарын ургуулан бодох, дүрслэн илэрхийлэх чадвар нь бусдаас илүү хөгжсөн. Тэдэнд бусдыг эмчлэх чадвар байдаг. Тэд бас урьд насныхаа амьдралыг мэдэрч чаддаг. Индиго хүүхдүүд ирээдүйд болох явдлыг урьдчилан харж чаддагаас гадна өөрийн сонгосон зүйлдээ гайхалтай амжилт гаргадаг. 1990-ээд оноос хойш төрсөн хүүхдүүдийн ихэнх нь Индигочууд байх тул хүүхдүүдээ маш сайн ажиглаж бай гэх мэтчилэн хөх шараар гэрэлтэх хүүхдүүдийн тухай маш их шуугих болжээ. Зарим нь Индигочуудын дотоод эрхтэн, ДНХ-ийн тухай тусгайлан судлаж бүр хүн төрөлхтний шинэ төрөл хэмээн ирээдүйн хүмүүсийг бас л загварчлаад гаргачихсан байна. Гэтэл орчин үеийн өндөр хөгжсөн техник технологийн хөгжил хүн төрөлхтний оюун ухааныг доройтуулснаас оюун ухааны бие даасан шинж чанараа хадгалж байгаа хүүхдүүдээ индиго гэж нэрлээд байгаам бишүү. Хүүхэд бүхэн багадаа индиго төрөлх шинжтэй байж байгаад өсөж том болж иргэншихийн хирээр индиго хэв шинжээ алдаж байна. Орчин үеийн хүний нийгэмших үйл явц нь байгалийн төрөлх чанараас хол зохиомол орчинд нэгдмэл хэв загварыг тулган явагдаж байгаатай үүнийг холбон тайлбарлаж болно.

Ноосфер – Этногенезийн онолоор хүний эрчимт шинж чанар буюу Пассионер хэв шинжтэй хүмүүс нийгмийн шинэ хэрэгцээ, тулгамдсан асуудлаас гарах арга замыг эрэлхийлж идэвхтэйгээр амьдардаг хүмүүс бөгөөд тэдний нийтлэг хэрэгцээг гаргаж, нэгтгэж чадсан тохиолдолд түүхэн дэх том том эргэлтүүд болсон байдаг.  Эрчимт шинж чанар буюу Пассионер хүмүүс ихэссэн үед тухайн угсаатан дэлхийн түүхэнд тэсрэлт хийж аминч хүмүүс ихэнх хувь нь болоход нийгмийн хөгжил доройтож байсныг түүхэн баримтуудаар олныг нотолж болно. “Монголын Нууц Товчоо”-ны Тэмүүжин, түүний анд нарыг “Урт дурын хүмүүс” буюу эрчимт шинж чанартай хүмүүс гэж тодорхойлсон нь Индигочуудын бас нэг хэв шинж болов уу? гэж бодож байна. Тухайлбал, Тэмүүжин 8 шарга морио хайж явахдаа Боорчи андтай нөхөрлөсөн түүх болон итгэлт олон анд нараа магтан сайшаадаг магтаалууд нь хүний бодит хэрэгцээ, зан чанарыг олж харах, сайшаах мэдрэмж, стандарт бус сэтгэлгээ зэрэг олон санааг агуулсан жирийн бус үйл явдлууд “Монголын Нууц Товчоо”-нд олон байдаг.  

Бид хүнд байх ёстой шилдэг зан чанаруудыг ямар нэг мөхөл сүйрэл, эсвэл оноогдсон тавилантай холбон тайлбарлах нь дутагдалтай юм. Хүн төрөлхтний хөгжүүлсэн нийгэм, шинжлэх ухааны дэвшлүүд хүнийг стандарт бус, индиго хэв шинжтэй байхыг шаардаж байна. Бурхан нь хүнийг цорын ганц хувь, давтагдашгүйгээр дэлхий дээр бүтээдэг. Иймээс цорын ганц хүн та өөрийн гэсэн ертөнц, орон зайгаа бий болгож цааш хөгжих боломжийг нийгэм, хүрээлэн буй орчноосоо хайх шаардлагатай болдог. Энэ хайлтын нөхцлийг бүрдүүлсэн соёлын үнэт зүйл, боловсролын болон нийгмийн Community-г бий болохгүй бол бид Индигочуудыг ойлгох, тэднийг зөв зүйлд ашиглах боломж бүрдүүлэхгүй.

Comments (9)

	1. 10-03-2010 19:33
	тийм шөө, хүмүүс техник технологийнхоо боол нь болсон гэхэд бараг л болно дөө    Индиго хүүхдүүд гэж байх ч юмуу, зүгээр л шашин гэж байдаг шиг найдсан л хэрэг байх даа Registered

hemnel

	2. 11-03-2010 18:31
	Таны нийтлэлүүдийг унших дуртай шүү. Үнэхээр л мэдээллийн технологийн энэ эрин үед хүүхдүүд бэлэн зэлэн юм ашиглаад толгойгоо ажиллуулахаа больсон. Наанадаж л өөрөө хийчих юмийг хүртэл албатай юм шиг Google ээс хайж эхэлдэг болсон байх юм.     Жич: Та сайтынхаа дизайныг нэг солих цаг болсон байхаа. Улаан өнгө уур хүргэдэг биздээ хэхэ. Энгийн мөртлөө Glassy байвал гоё Registered

Tsogtoo

	3. 12-03-2010 11:15
	sain bn uu   тэгэхээр энэ талаар миний бодол гэвэл: Үнэхээр 1986-хойш төрөх хүүхдийг бумбын эрэн зууны хүүхдүүд гэж нэрлэж байгаа юм. Энэ эрэн гэдэг нь юу вэ гэхээр дэлхий ван гаригаас ирэх инерги идэвхижиж үүний нөлөөгөөр хүүхдүүдийн оюун ухаан сэтгэн бодох чадвараас авхуулаад гоц чадвартай болж байгаа гэж үзэж байгаа. 1990, цаашлаад 2000 хойш төрөх хүүхэд улам илүү ухаалаг авъяаслаг нэг үгээр хэлбэл тэд эрт ухаан суут эрт том болцгооно гэсэн утгатай юм байна л даа. Одоо бид жаахан дүү нараа харахад биднараас илүү сэтгэдэг. орчин нөхцөл нь хөгжихөөр ийм болдог юм болов уу гэхээр бас тийм биш ээ. Сэтгэх байдал нь арай ондоо санагдсан.Тэгэхээр индиго хүүхдүүд гэж байх магадлал өндөрсөж байгаа юм. үнэхээр энэ дэлхий ертөнц маань юу л болоод байна даа аймар ч юм шиг эсвэл шинэ эрин зууныг харна гэдэг сайхан ч юм шиг. Registered

Энэ и-мэйл хаяг спамаас хамгаалагдсан байна, Та үүнийг тохируулан үзэхийн тулд Жаваскриптд боломж олгох хэрэгтэй.

	4. 13-03-2010 19:44
	ene bol hvn torolhtoniii amidraliin buruuu hew mayag vildleees vvvseltei gj bodoj bn........ Registered

saturn

	5. 14-03-2010 14:42
	Бид бүгдээрээ Индиго Сайн байна уу?  Олон сонирхолтой нийтлэлүүд бичиж, бидэнтэй санал бодлоо хуваалцаж буйд баярлалаа.   Сүүлийн үед энерги, далд ертөнц, синергетик, 2012 он, индиго хүүхдүүд гэх мэт учир битүүлэг, нууцлаг зүйлсийн талаар их ярих болжээ. Угаасаа ч хүн төрөлхтөн үүссэн цагаасаа л орчлон ертөнцийн тайлагдашгүй оньсого мэт нууцуудыг ойлгохыг хичээсээр ирсэн билээ л. Шинжлэх ухаан анхандаа энэ тухай үгүйсгэдэг байв. Гэвч 1970-аад оноос энерги судлалын шинжлэх ухаан буюу Синергетик нь шинжлэх ухааны бие даасан томоохон салбар болж эрчимтэй хөгжиж байна.  Хүмүүсийн баруун тархи ил ертөнц буюу хүрээлэн буй орчноосоо мэдээлэл авдаг бол зүүн тархи нь далд ертөнцөөс мэдэээлэл авдаг байна. Бидний өмнө дэлхий дээр 4 соёл иргэншил (Лимүрчүүд, Атлантчууд, Аричууд, Маяачууд) байсан бөгөөд бид бол 5 дахь үеийнхэн гэж үздэг. Өмнөх соёл иргэншлийнхэн далд ертөнцийн тархиныхаа 60-70%-ийг ашигладаг байснаас маш өндөр хөгжилд хүрч, улмаар энэ нь тэднийг мөхөхөд хүргэжээ. Тиймээс 5 дахь үеийнхэн буюу бид далд ухамсрын тархиа ашиглаж чаддаггүй болсон байна. Өөрөөр хэлбэл бидний зүүн тархи унтаагаараа байдаг гэж хэлж болно. Чингис хаан далд ухамсрын тархиныхаа 40%-ийг ашигладаг байсан гэж дүгнэжээ. Сонирхолтой нь хүүхэд төрөөд 3 нас хүртлээ далд ухамсрын тархиа ашиглаж, далд ертөнцтэй зулаагаараа холбоотой байдаг. Тиймээс ч бид хүүхэд 3 нас хүртлээ галын бурхан хардаг, өмнөх төрөлдөө юу байснаа мэддэг, мөн бидний өвөө, эмээ нар нялх хүүхэд өөрөөс нь бишүүрхэхэд \"миний нас ч болж дээ, хүүхэд над дээр ирэхээ байж\" гэж хэлэхийг нь сонсож байсан байх. Энэ нь 3 хүртэлх насны хүүхэд хүний аура буюу гэрлэн бүрхүүлийг хардаг бөгөөд өвчтэй болон өндөр настай хүний аура нь гэмтсэн байдаг тул хүүхдэд таагүй харагддаг байж болох юм. Хүүхдийн эдгээр гоц чадварууд аажмаар үгүй болж, зулаа нь битүүрэхэд бүрэн зогсдог.   Харин дээр өгүүлсэн Индиго хүүхдүүд бол бидний дараагийн үеийнхэн юм. Тэд далд ухамсрын тархиа ашиглах чадвартай тул янз бүрийн гоц чадвар, авьяастай төрдөг. Энэ тухай Оросын нэгэн кинонд Индиго хүүхдүүдийг амьтны хэл ойлгодог, ирээдүйг мэддэг, хүний гэрлэн бүрхүүлийг хардаг зэргээр маш сонирхолтойгоор харуулсан байдаг.   Миний бодлоор хэрвээ хүн бүр төрөхдөө далд ухамсрын тархиа ашиглах чадвартай төрж, аажмаар энэ чадвараа алддаг юм бол бид бүгдээрээ Индигочууд юм биш биз? Registered

Энэ и-мэйл хаяг спамаас хамгаалагдсан байна, Та үүнийг тохируулан үзэхийн тулд Жаваскриптд боломж олгох хэрэгтэй.

	6. 14-03-2010 16:33
	Бид бүгдээрээ Индиго tegeed iim bailaa ged bid tsaashaa yah yostoi yum bol bagshaa   bid odoo technology-gui baij chadahgui orshin togtnoj chadahgui   technology-iig iluu sain bolgohgui baih yostoi gej uu bi yu hiih yostoi gej bagshaaa?????????????????  Registered

Энэ и-мэйл хаяг спамаас хамгаалагдсан байна, Та үүнийг тохируулан үзэхийн тулд Жаваскриптд боломж олгох хэрэгтэй.

	7. 14-03-2010 20:36
	Бид бүгдээрээ Индиго сонирхолтой нийтлэл байна. гэхдээ техник технологийн дэвшлийг боолчлол мэт үзэж хэрэггүй шүү дээ. Учир нь минут тутамд хөгжиж буй дэлхийн хөгжилтэй хөл нийлүүлэн алхахгүй бол аливаа зүйлээс хоцрогдох нь тодорхой. хэн ч байсан нийгмийн амьдралтайгаа хамааралтай л байдаг түүнээс өөрийгөө тусгаарлаж чадахгүй ш дээ. бас хэн ч байсан хэн нэгний боол болж боолчлогдохг хүсдэггүй. бүгд л өөрийн хүсэл тэмүүлэлдээ хөтлөгдөн урагш тэмүүлдэг биш гэж үү...хэхэ тийм дээ ч техник технологи бол бидний салшгүй нэг хэсэг болсон байгаа нь тиймч гаж үзэгдэл биш гэж бодож байна. ер нь аливаа зүйлд төгсгөл гэж байдаг. дэлхийд ч мөн ялгаагүй байх нь гарцаагүй. магадгүй тэр нь дахин гэрэл гэгээтээгээр дэлхий бий болох эхлэл биш гэж үү....дээр нь биднийг аврах хэн нэгнийг хайх биш өөрсдөө ч аврагч мэт худлаа дүр исгэх шаардалагагүй. бодитоор хэрэгжүүлж чадах зүйдээ л санаа нэгтээгээр хийх нь л зөв болов уу..........дөнгөж ургаж буй цэцгийг гишгэх биш. хажуугаар нь өө чамайг гишгээгүй шүү гэж зөрөх ч биш , ус авчираад услаад өгөх сэтгэл л хэрэгтэй байгаа ш дээ...тийм биз дээ.......? Registered

sosko

	8. 02-04-2010 16:30
	Бид бүгдээрээ Индиго 54 шаргачин хонин Registered

Азаа

	9. 19-04-2010 22:46
	Who is indigo? Хэдийгээр индиго хүүхдүүд биднээс гэрлэн бие болон төрөлхийн мөн чанараараа ялгаатай ч бид бүгдээрээ өөрсдийн оюун бодлоороо ИНДИГО байж чадна. Ер нь бидний амьдралд болж буй бүхий л зүйлсийг бид бодлоороо бий болгодог, бодол биелдэг гэдэгт би итгэдэг. Үнэхээр биелдэг юм. Тиймээс үргэлж өөдрөг, сайхан зүйлсийг бодож байгаарай. ... http://serdaram.origo.mn Registered

Энэ и-мэйл хаяг спамаас хамгаалагдсан байна, Та үүнийг тохируулан үзэхийн тулд Жаваскриптд боломж олгох хэрэгтэй.

Only registered users can write comments.
Please login or register.

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved